«PSJ» yarim himoyachisi Fabian Ruis faoliyatini Angliya Premyer-ligasida davom ettirishi mumkin. Bu haqda El Nacional xabar berdi.
Manba ma’lumotiga ko‘ra, 30 yoshli ispaniyalik futbolchiga APLning bir nechta klubi, jumladan «Arsenal», «Manchester Yunayted», «Liverpul» va «Nyukasl» qiziqish bildirmoqda. Biroq Ruisni o‘z safiga qo‘shib olishga eng jiddiy da’vogar «Chelsi» bo‘lib turibdi.
London klubi bosh murabbiyi Xabi Alonso ham Ruisni o‘z jamoasida ko‘rishni shaxsan istamoqda.
Le Parisien ma’lumotiga ko‘ra, «Chelsi» yanvar oyida yarim himoyachi uchun «PSJ»ga 70 million yevro taklif qilishni rejalashtirgan.
Fabian Ruis joriy mavsum barcha musobaqalarda 7 ta o‘yinda maydonga tushib, 1 ta gol urdi va 2 ta golli uzatmani amalga oshirdi.
