"Bavariya" faxriy prezidenti Uli Xyoness 2026 yilgi "Oltin to‘p" uchun da’vogarlar haqida fikr bildirib, myunxenliklar hujumchisi Xarri Keynni to‘liq qo‘llab-quvvatladi.
"U bu sovringa mutlaqo loyiq. Umid qilamanki, Keyn g‘olib bo‘ladi. Menimcha, Messiga "Oltin to‘p"ni beshinchi marta berish mutlaqo bema’nilik bo‘lar edi.
Xarri Keyn barcha musobaqalarda ajoyib mavsum o‘tkazdi. Agar u bu yil ham bu sovringa munosib bo‘lmasa, unda qachon munosib bo‘ladi?
Mbappe? Ular, ya’ni "Real", birorta ham sovrin yutmadi, biz esa ikkita sovrin qo‘lga kiritdik", — dedi Xyoness.
Manba qayd etishicha, Xyoness Messi qo‘lga kiritgan "Oltin to‘p"lar sonini adashtirgan. Argentinalik futbolchi bu mukofotni sakkiz marta qo‘lga kiritgan.
