Marokash terma jamoasi bosh murabbiyi Muhammad Uaxbi Sofyan Amrabat bilan bog‘liq vaziyatga izoh berdi. Avvalroq futbolchi Uahbi jamoa boshqaruvida qolar ekan, milliy terma jamoada o‘ynamasligini ma’lum qilgan edi.
«U Marokashning so‘nggi yillardagi eng yaxshi futbolchilaridan biri. Ko‘p yillar davomida jamoada muhim rol o‘ynadi va bu, albatta, e’tirofga loyiq.
Uning yosh iqtidorlar tomonidan asosiy tarkibdan siqib chiqarilayotganidan norozi bo‘lishini tushunaman. Ayniqsa, sen jamoada ma’lum maqomga ega bo‘lgan bo‘lsang, bu oson emas.
Men esa unga qarshi chiqish niyatida emasman — aksincha. Marokash terma jamoasining eshiklari u uchun hamisha ochiq bo‘ladi», — deya Uahbining so‘zlarini derbyderbyderby.it keltirdi.
Eslatib o‘tamiz, Muhammad Uahbi Marokash terma jamoasi bosh murabbiyi lavozimini yozgi jahon chempionati arafasida qabul qilib olgan edi.
