Rossiyalik sobiq hujumchi Andrey Arshavin Londonning «Arsenal» klubida to‘p surgan davrida jamoada «kattalar hukmronligi» yoki yosh futbolchilarga bosim bo‘lgan-bo‘lmagani haqidagi savolga javob berdi.
«Men o‘ynagan tarkibda bunday «kattalar» yo‘q edi. U yer, umuman olganda, bolalar bog‘chasi edi. Menga birinchi bo‘lib Sesk qo‘ng‘iroq qilgandi, o‘sha paytda yo‘lda edim...», — dedi Arshavin.
Eslatib o‘tamiz, Arshavin 2009 yildan 2013 yilga qadar «Arsenal» safida to‘p surgan. Uning London klubidagi eng yorqin o‘yinlaridan biri «Enfild»da «Liverpul» darvozasiga 4 ta gol urgan uchrashuv hisoblanadi.
Arshavin professional faoliyati davomida «Zenit», «Arsenal», «Kuban» va «Qayrat» klublarida o‘ynagan. Rossiya terma jamoasi safida esa 74 ta uchrashuvda maydonga tushib, 17 ta gol urgan.
