«Real» va «Barselona» 16 yoshli amerikalik yarim himoyachi Kavan Sallivanni o‘z safiga qo‘shib olish imkoniyati bo‘yicha so‘rov yubordi. Bu haqda TEAMtalk xabar berdi.

Ayni paytda futbolchi 18 yoshga to‘lganidan so‘ng «Manchester Siti» safiga qo‘shilishi kerak.

Manbaga ko‘ra, Sallivan hozircha Angliya klubiga sodiq qolmoqda. Shunga qaramay, Ispaniya grandlari kelajakda jahon futboli yulduziga aylanishi mumkin bo‘lgan yosh iqtidorni o‘z tomoniga og‘dirish urinishlarini to‘xtatmayapti.

16 yoshli Sallivan hozirda «Filadelfiya Yunion»ning asosiy tarkibida muntazam maydonga tushmoqda.

U joriy mavsum MLSda 23 ta uchrashuvda 6 ta gol urdi va 5 ta golli uzatmani amalga oshirdi.