"Manchester Siti"ning sobiq hujumchisi Serxio Aguero "shaharliklar"ning yangi futbolchilari Elliot Anderson va Enso Fernandes haqida fikr bildirdi.
"Menga Anderson juda yoqadi. Menimcha, u va Enso Fernandes bir-birini ajoyib to‘ldiradi. Nazarimda, ular "Siti"ning o‘tgan yozdagi eng muhim ikki transferi bo‘ldi", — dedi Aguero Stake Football nashriga bergan intervyusida.
Argentinalik sobiq futbolchining fikricha, Anderson va Enso juftligi "Manchester Siti" o‘yiniga muvozanat qo‘shadi. Biroq u ko‘p narsa futbolchilarning yangi muhitga qanchalik tez moslashishiga bog‘liq bo‘lishini ham ta’kidladi.
Aguero, shuningdek, Enso va Anderson "shaharliklar"ning boshqa yangi futbolchilari orasida yaqqol ajralib turishini aytdi.
"Menimcha, bu ikkisi boshqa yangi futbolchilardan bir bosh ustun", — dedi u.
To‘rt turdan so‘ng "Manchester Siti" 12 ochko jamg‘arib, Angliya Premyer-ligasi turnir jadvalida ikkinchi o‘rinni egallab turibdi.
