APL klublari maoshlar uchun yiliga taxminan 1,63 milliard funt sterling sarflaydi. Bu haqda Spotrac servisi xabar bermoqda.
Manba ma’lumotlariga ko‘ra, maoshlarga eng ko‘p mablag‘ sarflaydigan klub — «Arsenal» (taxminan 175,24 million funt). Ikkinchi o‘rinda «Manchester Siti» (165,72 million), uchinchi o‘rinda «Liverpul» (165,10 million) turadi. Keyingi o‘rinda «Manchester Yunayted» — 157,97 million funt.
Shuningdek, maosh fondi eng katta bo‘lgan oltita klub hisobiga 896,92 million funt to‘g‘ri keladi — umumiy summaning taxminan 54,9 foizi.
