Kaliforniya atletika komissiyasi UFC 331 turniridan so‘ng janglardan chetlatishlar ro‘yxatini e’lon qildi.

Arman Sarukyanga 30 kun davomida kontaktli mashg‘ulotlar bilan shug‘ullanish taqiqlandi. shuningdek, o‘ng ko‘z sohasidagi jarohat sababli shifokor ruxsatini olmagunicha u 60 kunga janglardan chetlatildi. Maurisio Ruffi ham shunga o‘xshash chetlatish oldi.

Shon Sharafga nokaut bilan yutqazgan Geybl Stivson 45 kunga chetlatildi, unga 30 kun davomida kontaktli mashg‘ulotlarda qatnashish taqiqlanadi.

Ivo Baraniyevski bilan jangda barmog‘i singan Alonso Menifild shifokor ruxsatini olmagunicha 180 kunga chetlatildi.

Aleshandre Pantojaga qarshi jangda 147 ta aniq zarba o‘tkazib yuborgan Joshua Van yetti kunga chetlatildi. Pantoja esa chap qoshi yorilgani sababli shifokor ruxsatini olmagunicha 60 kunga chetlatish oldi.