«Manchester Yunayted» hujumchisi Benyamin Sheshko jarohati sabab Sloveniya terma jamoasining navbatdagi o‘yinlarida ishtirok eta olmasligini ma’lum qildi. Sloveniyalik futbolchi to‘pig‘idan olgan jarohati yana takrorlangani bois Shotlandiya, Shimoliy Makedoniya va Shveysariyaga qarshi uchrashuvlarni o‘tkazib yuboradi.
«Terma jamoaning navbatdagi o‘yinlarida ishtirok eta olmasligimdan juda afsusdaman. Hozir eng muhimi — tiklanish jarayoniga to‘liq e’tibor qaratish.
Maydonga imkon qadar tezroq qaytib, terma jamoa va klubga yana yordam berish uchun allaqachon ish boshladim», — deb yozdi futbolchi ijtimoiy tarmoqda.
