«Манчестер Юнайтед» ҳужумчиси Беньямин Шешко жароҳати сабаб Словения терма жамоасининг навбатдаги ўйинларида иштирок эта олмаслигини маълум қилди. Словениялик футболчи тўпиғидан олган жароҳати яна такрорлангани боис Шотландия, Шимолий Македония ва Швейцарияга қарши учрашувларни ўтказиб юборади.
«Терма жамоанинг навбатдаги ўйинларида иштирок эта олмаслигимдан жуда афсусдаман. Ҳозир энг муҳими — тикланиш жараёнига тўлиқ эътибор қаратиш.
Майдонга имкон қадар тезроқ қайтиб, терма жамоа ва клубга яна ёрдам бериш учун аллақачон иш бошладим», — деб ёзди футболчи ижтимоий тармоқда.
