Kilian Mbappe chorshanba kuni ertalab Fransiya terma jamoasi bilan mashg‘ulotda ishtirok etdi. Bu haqda jurnalist Ilyes Piters ijtimoiy tarmoqlarda ma’lum qildi.
Bir kun avval Mbappe grippga o‘xshash alomatlar sabab mashg‘ulotni o‘tkazib yuborgani haqida xabarlar tarqalgan edi. Ko‘rinishidan, «uchranglilar» sardori hozir o‘zini yaxshi his qilmoqda.
Payshanba kuni Fransiya terma jamoasi Turkiyaga yo‘l oladi. Jamoa ertasi kuni Millatlar ligasi 1-turida mezbonlarga qarshi maydonga tushadi. Bu uchrashuv Zinedin Zidan uchun «uchranglilar» bosh murabbiyi sifatidagi ilk o‘yin bo‘ladi.
Klub miqyosida Kilian Mbappe «Real»dagi uchinchi mavsumini o‘tkazmoqda. Transfermarkt portali 26 yoshli hujumchining transfer qiymatini 200 million yevro deb baholamoqda.
