«Pari Sen-Jermen» vingeri Xvicha Kvarasxeliya 2025 yilning yanvarida jamoaga qanday o‘tganini yodga oldi.
Parij grandi gruziyalik futbolchini «Napoli»dan sotib olgan edi. O‘shanda futbolchiga Yevropaning boshqa top-klublari ham qiziqish bildirishgan.
«PSJ» — eng buyuk klublardan biri. Bu yerga kelganimdan juda xursandman. Albatta, menda boshqa takliflar ham bor edi, ammo klub prezidenti va Luis Enrike bilan suhbatlashgandan so‘ng bir soniya ham ikkilanmadim. Ular menga loyihani va undagi mening rolimni tushuntirib berishgach, otam va agentimga: «Boshqa klublar bilan hech narsani muhokama ham qilmang, men «PSJ»ga ketyapman», dedim. Bu yerda muvaffaqiyatga erisha olishimni bilardim», — dedi Xvicha ParisSG INFOS nashriga bergan intervyusida.
Fransiyadagi bir yarim yil davomida Kvarasxeliya ikki marta Chempionlar ligasida g‘olib chiqishga ulgurdi, shuningdek, ichki arenada ko‘plab sovrinlarni qo‘lga kiritdi.
