Portugaliya terma jamoasi yarim himoyachisi Brunu Fernandesh Millatlar ligasi o‘yinida Uels ustidan qozonilgan g‘alaba (1:0) haqida o‘z fikrlarini bildirdi.
«Portugaliya terma jamoasi juda yaxshi o‘yin o‘tkazdi. O‘yinni nazorat qildik va yana gol urish uchun ko‘plab imkoniyatlar yaratdik, ammo ulardan foydalana olmadik. Bizga uch ochko kerak edi va biz ularni oldik», — deydi Fernandesh UYEFA rasmiy saytiga.
27 sentyabr kuni Portugaliya Osloda Norvegiya bilan o‘ynaydi, Uels esa Kopengagenda Daniyaga qarshi bahs olib boradi.
