Italiya terma jamoasi bosh murabbiyi Roberto Manchini Millatlar ligasining birinchi turidan o‘rin olgan Belgiyaga qarshi o‘yinga tayyorgarlik haqida gapirib berdi. Uchrashuv 25 sentyabr kuni bo‘lib o‘tadi.

«Olimpiko» maydoniga yana chiqish hayajonli bo‘ladi. Yaqinda bir nechta alamli mag‘lubiyatlarga uchradik, ammo futbol har doim vaziyatni tezda o‘nglash imkoniyatini beradi», — deydi Manchini Sky nashriga.

«Kin va Pio Espozito birgalikda o‘ynashlari mumkin. Yigitlar tayyor va maydonga tushishni xohlashyapti. To‘g‘ri qarorlar qabul qilamiz deb umid qilamiz».

Manchini, shuningdek, terma jamoaga ilk bor chaqirilgan yarim himoyachi Alessandro Romanoni ham ta’kidlab o‘tdi:

«Uni unchalik yaxshi bilmasdim, ammo chempionatning birinchi turidayoq menda katta taassurot qoldirdi, shuning uchun uni sinab ko‘rishga qaror qildim. O‘ylashimcha, u kelajakda terma jamoa uchun muhim futbolchi bo‘lishi mumkin. U bir teginishda o‘ynaydi. Ranyeri unga e’tibor qaratib to‘g‘ri qilgan edi».

Sandro Tonalining holatiga kelsak, u kichik noqulaylik his qilmoqda, ammo yakunda hammasi joyida bo‘lishi kerak.