Shvesiya terma jamoasi va «Liverpul» hujumchisi Aleksander Isak Millatlar ligasi doirasida Ruminiyaga qarshi kechgan o‘yinda (2:1) gol urdi va jarohat oldi. Ikkinchi bo‘limda hujumchining oyoq barmog‘iga butsa tishlari bilan qattiq zarba berildi, oqibatda final hushtagi chalinguniga qadar uning butsasi qonga belanib ketdi.
«Bu butsa tishlaridan qabul qilib olingan haqiqiy zarba edi. Futbol o‘ynaganlar og‘riq tarqab ketishi uchun bir necha daqiqa kerak bo‘lishini yaxshi bilishadi, ammo hammasi joyida», — dedi Isak.
Jarohatiga qaramay, 27 yoshli hujumchi maydonni tabassum bilan, oqsoqlangan bo‘lsa-da, g‘alabadan mamnun holda tark etdi. Jarohat oqibatlari haqida hozircha ma’lumot yo‘q.
