Швеция терма жамоаси ва «Ливерпуль» ҳужумчиси Александер Исак Миллатлар лигаси доирасида Руминияга қарши кечган ўйинда (2:1) гол урди ва жароҳат олди. Иккинчи бўлимда ҳужумчининг оёқ бармоғига бутса тишлари билан қаттиқ зарба берилди, оқибатда финал ҳуштаги чалингунига қадар унинг бутсаси қонга беланиб кетди.
«Бу бутса тишларидан қабул қилиб олинган ҳақиқий зарба эди. Футбол ўйнаганлар оғриқ тарқаб кетиши учун бир неча дақиқа керак бўлишини яхши билишади, аммо ҳаммаси жойида», — деди Исак.
Жароҳатига қарамай, 27 ёшли ҳужумчи майдонни табассум билан, оқсоқланган бўлса-да, ғалабадан мамнун ҳолда тарк этди. Жароҳат оқибатлари ҳақида ҳозирча маълумот йўқ.
