Ispaniya terma jamoasi vingeri Lamin Yamal UYEFA Millatlar ligasi A ligasi 3-guruhi 1-turida Angliya ustidan qozonilgan g‘alaba (3:2) hamda o‘zi kiritgan gol haqida fikr bildirdi. Uchrashuv London shahridagi «Uembli» stadionida bo‘lib o‘tdi.
«Erta yoki kech barcha mag‘lub bo‘ladi, ammo biz mag‘lub bo‘ladiganlar qatorida bo‘lmaslikka harakat qilamiz. Bu stadionda o‘ynash juda qiyin.
Murabbiy bizdan faol pressing qilishni talab qiladi. Men doimo jamoaga yordam berishni xohlashimni aytaman. Ba’zida diqqatimni yo‘qotib qo‘yaman, ammo ba’zi hollarda to‘pni olib qo‘yaman, birga-bir vaziyatga chiqaman va gol uraman.
To‘p bizda bo‘lmagan paytlarda o‘zimizni ayniqsa qulay his qilamiz, deb bo‘lmaydi. Ammo to‘p raqibda bo‘lsa, bundan bezovta bo‘lmaymiz. Biz tezkor jamoamiz va qarshi hujumlarda o‘ynashga qarshi emasmiz. Har bir uchrashuvda o‘z rolingizni tushunish va undan maksimal foyda olish kerak», — deya Yamalning so‘zlarini Marca keltirdi.
