Испания терма жамоаси вингери Ламин Ямал УЕФА Миллатлар лигаси А лигаси 3-гуруҳи 1-турида Англия устидан қозонилган ғалаба (3:2) ҳамда ўзи киритган гол ҳақида фикр билдирди. Учрашув Лондон шаҳридаги «Уэмбли» стадионида бўлиб ўтди.

«Эрта ёки кеч барча мағлуб бўлади, аммо биз мағлуб бўладиганлар қаторида бўлмасликка ҳаракат қиламиз. Бу стадионда ўйнаш жуда қийин.

Мураббий биздан фаол прессинг қилишни талаб қилади. Мен доимо жамоага ёрдам беришни хоҳлашимни айтаман. Баъзида диққатимни йўқотиб қўяман, аммо баъзи ҳолларда тўпни олиб қўяман, бирга-бир вазиятга чиқаман ва гол ураман.

Тўп бизда бўлмаган пайтларда ўзимизни айниқса қулай ҳис қиламиз, деб бўлмайди. Аммо тўп рақибда бўлса, бундан безовта бўлмаймиз. Биз тезкор жамоамиз ва қарши ҳужумларда ўйнашга қарши эмасмиз. Ҳар бир учрашувда ўз ролингизни тушуниш ва ундан максимал фойда олиш керак», — дея Ямалнинг сўзларини Marca келтирди.