«Barselona» va Angliya terma jamoasi hujumchisi Entoni Gordon o‘z fikricha, dunyoning eng yaxshi futbolchisi kim ekanini aytdi. U jamoadoshi Lamin Yamalni alohida e’tirof etdi.
«Lamin Yamal — dunyoning eng yaxshi futbolchisi», — deya Gordonning so‘zlarini The Touchline keltiradi.
Ma’lumki, Lamin Yamal «Oltin to‘p» uchun asosiy da’vogarlar qatorida. So‘nggi vaqtlarda ispaniyalik futbolchi bir qator intervyularda ushbu nufuzli sovringa loyiq ekanini ta’kidlagan.
O‘tgan yili Yamal «Oltin to‘p» uchun ovoz berishda Usmon Dembeledan keyin ikkinchi o‘rinni egallagan edi.
«Oltin to‘p»ni topshirish marosimi 26 oktyabr kuni Londonda bo‘lib o‘tadi.
