«Barselona» yarim himoyachisi Fermin Lopes yaqinda jarohatidan so‘ng Ispaniya terma jamoasiga qaytdi.
23 yoshli futbolchi shanba kuni Millatlar ligasi guruh bosqichi 1-turidan o‘rin olgan Angliyaga qarshi uchrashuvni zaxiradan boshlagan edi. Biroq Sport xabar berishicha, u bugun Xorvatiyaga qarshi bahsda maydonga dastlabki daqiqalardan chiqishi kutilmoqda. Bu Fermin Lopesning Ispaniya terma jamoasi safida rasmiy o‘yinda asosiy tarkibdagi ilk ishtiroki bo‘ladi.
Fermin Lopes Ispaniya terma jamoasi safida 7 ta uchrashuv o‘tkazgan. Biroq ularning 6 tasida maydonga zaxiradan tushgan. U faqat mart oyida Serbiyaga qarshi o‘rtoqlik uchrashuvida asosiy tarkibdan joy olgan.
Ispaniya – Xorvatiya uchrashuvi Toshkent vaqti bilan 23:45 da boshlanadi.
