«Arsenal»ning sobiq kapitani Patrik Viyeyra o‘z vaqtida ser Aleks Fergyuson bilan qanday muzokara o‘tkazganini yodga oldi.

«Mening bir necha bor «Real»ga o‘tish imkoniyatim bo‘lgan. Shuningdek, «Manchester Yunayted»ga o‘tish imkoniyati ham... bor edi. Men ser Aleks Fergyuson bilan uchrashganman. U bilan uchrashuvni rad eta olmasdim, chunki u Premyer-ligada juda muhim shaxs edi.

Biz uchrashdik va gaplashdik. U menga «Manchester Yunayted»ning kelajagi haqidagi qarashlari va qurishni istagan jamoasi haqida aytib berdi. U meni Roy Kin bilan birga maydonga tushirishni, chap qanotda Giggz, o‘ng qanotda Bekxem va van Nistelroyning ortida Skoulz bo‘lishini xohlagan edi, shuning uchun jamoa yomon emas edi.

Lekin men «Arsenal»dan keta olmasdim. U yerda o‘zimni juda yaxshi his qilardim va biz haqiqatan ham ajoyib narsa yaratish yo‘lida edik. Shunday qilib, hammasi aynan shunday bo‘lib chiqdi», - dedi Viyeyra Sky Sports ga bergan intervyusida.

«Arsenal» 2004 yilda biror marta ham mag‘lubiyatga uchramay Angliya chempioni bo‘lgan edi.