Angliya terma jamoasi bosh murabbiyi Tomas Tuxel Millatlar ligasida Xorvatiyaga qarshi navbatdagi uchrashuvda tarkib borasida qanday qaror qabul qilishi haqida aniq ma’lumot bermadi.
Seshanba kuni angliyaliklar safarda Chexiyani 2:0 hisobida mag‘lub etdi. Endi shanba kuni jamoa safarda Xorvatiyaga qarshi maydonga tushadi.
«Tarkibda o‘zgarishlar bo‘ladimi? Bu haqda sizga ayta olmayman. Biz Angliyaga qaytmaslikka, Pragada yaxshilab dam olib, keyin Xorvatiyaga yo‘l olishga qaror qildik. U yerda ikki marta mashg‘ulot o‘tkazamiz.
Hamma futbolchilar, jumladan, Niko O'Rayli va Ezri Konsa ham o‘yinga tayyor bo‘lishi uchun harakat qilamiz. Ko‘ramiz. Navbatdagi uchrashuv biz uchun juda muhim. Xorvatiya — kuchli raqibimiz. Biz g‘alaba qozonishni istaymiz», — deya Tuxelning so‘zlarini keltiradi BBC.
