Англия терма жамоаси бош мураббийи Томас Тухель Миллатлар лигасида Хорватияга қарши навбатдаги учрашувда таркиб борасида қандай қарор қабул қилиши ҳақида аниқ маълумот бермади.
Сешанба куни англияликлар сафарда Чехияни 2:0 ҳисобида мағлуб этди. Энди шанба куни жамоа сафарда Хорватияга қарши майдонга тушади.
«Таркибда ўзгаришлар бўладими? Бу ҳақда сизга айта олмайман. Биз Англияга қайтмасликка, Прагада яхшилаб дам олиб, кейин Хорватияга йўл олишга қарор қилдик. У ерда икки марта машғулот ўтказамиз.
Ҳамма футболчилар, жумладан, Нико О'Райли ва Эзри Конса ҳам ўйинга тайёр бўлиши учун ҳаракат қиламиз. Кўрамиз. Навбатдаги учрашув биз учун жуда муҳим. Хорватия — кучли рақибимиз. Биз ғалаба қозонишни истаймиз», — дея Тухелнинг сўзларини келтиради BBC.
