Madridning «Real» klubi darvozaboni Tibo Kurtua «Barselona» hujumchisi Rafinya Diasning o‘yinidan taassurot olganini tan oldi.

Braziliyalik futbolchi joriy mavsumda «ko‘k-anorranglilar» safida sakkizta o‘yinda 14 ta gol urdi va uchta golli uzatmani amalga oshirdi.

«Menga Rafinya juda yoqadi. Balki uni yetarlicha qadrlashmayotgandir. U o‘z jamoasi uchun juda muhim futbolchi, ko‘p gol uradi. Biz «el klasiko»da uni to‘xtatishimiz kerak», — deya Kurtuaning so‘zlarini keltiradi Madrid Zone.

«Barselona» va «Real» o‘rtasidagi navbatdagi uchrashuv 25 oktyabr kuni kataloniyaliklar maydonida bo‘lib o‘tadi. Ayni paytda Xans-Diter Flik jamoasi La Liga turnir jadvalida yetti turdan keyin 21 ochko bilan peshqadamlik qilmoqda. «Qirollik klubi» 15 ochko bilan 4-o‘rinda bormoqda.