Мадриднинг «Реал» клуби дарвозабони Тибо Куртуа «Барселона» ҳужумчиси Рафинья Диаснинг ўйинидан таассурот олганини тан олди.

Бразилиялик футболчи жорий мавсумда «кўк-анорранглилар» сафида саккизта ўйинда 14 та гол урди ва учта голли узатмани амалга оширди.

«Менга Рафинья жуда ёқади. Балки уни етарлича қадрлашмаётгандир. У ўз жамоаси учун жуда муҳим футболчи, кўп гол уради. Биз «эль класико»да уни тўхтатишимиз керак», — дея Куртуанинг сўзларини келтиради Madrid Zone.

«Барселона» ва «Реал» ўртасидаги навбатдаги учрашув 25 октябрь куни каталонияликлар майдонида бўлиб ўтади. Айни пайтда Ханс-Дитер Флик жамоаси Ла Лига турнир жадвалида етти турдан кейин 21 очко билан пешқадамлик қилмоқда. «Қироллик клуби» 15 очко билан 4-ўринда бормоқда.