«Barselona»ning qanot himoyachisi Alexandro Balde qishki transfer oynasida «Manchester Yunayted»ga o‘tishi mumkin. Avvalroq futbolchi kataloniyaliklar tarkibini tark etish variantini ko‘rib chiqmagan edi.

Jurnalist Ekrem Konurning xabar berishicha, yozgi transfer oynasidan keyin «Manchester Yunayted»ning yosh ispaniyalik futbolchini sotib olish imkoniyati sezilarli darajada oshgan. Bunga Baldening joriy mavsumda deyarli o‘yin amaliyotiga ega bo‘lmayotgani sabab bo‘lmoqda.

Joriy mavsumda 22 yoshli Balde Ispaniya chempionatida faqat bir marta maydonga tushdi va golli harakatlari bilan ajralib turmadi.

Baldening «Barselona» bilan amaldagi shartnomasi 2028 yilga qadar mo‘ljallangan. Transfermarkt ma’lumotlariga ko‘ra, himoyachining bozor qiymati 50 million yevroni tashkil etadi.