«Barselona»ning sobiq yarim himoyachisi Arturo Vidal Krishtianu Ronalduning Portugaliya terma jamoasi qarorgohini tark etishi bilan bog‘liq mojaroga munosabat bildirdi.
Eslatib o‘tamiz, avvalroq Ronaldu zaxira o‘rindig‘ida qolishni istamagani sabab milliy jamoa qarorgohini tark etgan edi.
«Krishtianu — Portugaliyani dunyoning eng kuchli terma jamoalari qatoriga olib chiqqan futbolchi. U Portugaliyani butunlay boshqa darajaga ko‘tardi. Men uni to‘liq qo‘llab-quvvatlayman. U futbol tarixidagi eng buyuk to‘rt futbolchidan biri. Unga nisbatan qilingan munosabat — mutlaqo hurmatsizlik», — deya Vidalning so‘zlarini Madrid Xtra keltirdi.
Avvalroq Portugaliya terma jamoasi Millatlar ligasida safarda Daniyani 4:2 hisobida mag‘lub etdi va to‘rtinchi guruh turnir jadvalidagi peshqadamligini saqlab qoldi.
Portugaliya hisobida hozir 9 ochko bor.
