«Барселона»нинг собиқ ярим ҳимоячиси Артуро Видаль Криштиану Роналдунинг Португалия терма жамоаси қароргоҳини тарк этиши билан боғлиқ можарога муносабат билдирди.

Эслатиб ўтамиз, аввалроқ Роналду захира ўриндиғида қолишни истамагани сабаб миллий жамоа қароргоҳини тарк этган эди.

«Криштиану — Португалияни дунёнинг энг кучли терма жамоалари қаторига олиб чиққан футболчи. У Португалияни бутунлай бошқа даражага кўтарди. Мен уни тўлиқ қўллаб-қувватлайман. У футбол тарихидаги энг буюк тўрт футболчидан бири. Унга нисбатан қилинган муносабат — мутлақо ҳурматсизлик», — дея Видалнинг сўзларини Madrid Xtra келтирди.

Аввалроқ Португалия терма жамоаси Миллатлар лигасида сафарда Данияни 4:2 ҳисобида мағлуб этди ва тўртинчи гуруҳ турнир жадвалидаги пешқадамлигини сақлаб қолди.

Португалия ҳисобида ҳозир 9 очко бор.