Osiyo o‘yinlarining futbol bo‘yicha 3-o‘rin uchun uchrashuvida O‘zbekiston U-23 terma jamoasi Xitoyga penaltilar seriyasida imkoniyatni boy berdi.
Bahsning 15-daqiqasida Xu Xetao Xitoyni oldinga olib chiqdi — 1:0. Birinchi bo‘lim yakuniga yaqin, 43-daqiqada Sardorbek Bahromov hisobni tenglashtirdi — 1:1.
Ikkinchi bo‘limda, 53-daqiqada Van Yuydun Xitoyni yana hisobda oldinga olib chiqdi. O‘zbekiston esa so‘nggi daqiqalarga qadar kurashdi va 90-daqiqada zaxiradan maydonga tushgan Shodiyor Shodiboyev gol urib, hisobni 2:2 ko‘rinishiga keltirdi.
Asosiy vaqt shu hisobda yakunlandi va bronza medali taqdiri penaltilar seriyasida hal qilindi.
11 metrlik zarbalarda Xitoy 4:3 hisobida ustun keldi. O‘zbekiston safida Muhammadali Reimov va Shodiyor Shodiboyev o‘z zarbalaridan foydalana olmadi.
Shu tariqa, O‘zbekiston U-23 terma jamoasi Aichi-Nagoya–2026 Osiyo o‘yinlarini 4-o‘rinda yakunladi.
Osiyo o‘yinlari. 3-o‘rin uchun bahs
Xitoy — O‘zbekiston — 2:2 (penaltilar — 4:3)
Gollar: Xu Xetao, 15 — 1:0; Sardorbek Bahromov, 43 — 1:1; Van Yuydun, 53 — 2:1; Shodiyor Shodiboyev, 90 — 2:2.
