Argentina terma jamoasi bosh murabbiyi Lionel Skaloni Lionel Messining milliy jamoadagi xayrlashuv uchrashuvi haqida fikr bildirdi.
"O‘sha kuni bizni qanday his-tuyg‘ularga boy o‘yin kutayotganini tasavvur qilaman. Bu barcha, jumladan, Leoning o‘zi uchun ham unutilmas kun bo‘ladi.
Bu uning kuni, shu bilan birga, unga shuncha quvonchli lahzalarni boshdan kechirishda yordam bergan jamoadoshlarining ham kuni.
Uchrashuvga qiziqish shu qadar kattaki, eng yirik stadionlar ham bemalol to‘lib ketgan bo‘lar edi. Biz odamlar Leoning biz uchun qanchalik muhim ekanini tushunishlarini istaymiz", — deya Skalonining so‘zlarini Argentina terma jamoasi matbuot xizmati ijtimoiy tarmoqlarda keltiradi.
