«Real»ning sobiq futbolchisi Migel Torres madridliklar klubining o‘yini haqida fikr bildirdi.
Veteran «qaymoqranglilar» nima sababdan yomon formada ekanini tushuntirdi. Mutaxassis jamoa mavsumning hal qiluvchi uchrashuvlariga optimal holatda yetib borishni istayapti, deb hisoblaydi.
«Madridda asosiy maqsad kuchlarni asrab, may oyiga optimal formada yetib borish, deb hisoblashmoqda. Bu yondashuv endi muxlislarni ishontirmayapti», — dedi Torres Onda Cero nashriga.
«Real» La Ligada ikki marta mag‘lubiyatga uchradi. Madridliklar turnir jadvalida to‘rtinchi o‘rinda bormoqda. Birinchi o‘rinda «Barselona» joylashgan. Jamoalar o‘rtasidagi farq olti ochkoni tashkil etadi.
