«Inter Mayami» hujumchisi va kapitani Lionel Messi Argentina milliy terma jamoasi tarkibidagi so‘nggi mashg‘ulotidan keyin o‘z fikrlarini bildirdi.
«Men, albatta, sog‘inadigan o‘ziga xos lahzalar», — deya Messining so‘zlarini jurnalist Fabrisio Romano o‘zining X ijtimoiy tarmog‘idagi sahifasida keltirdi.
Messi Argentina terma jamoasi tarkibidagi so‘nggi o‘yinini 7 oktyabr kuni Beninga qarshi o‘tkazadi. Uchrashuv Toshkent vaqti bilan 6 oktyabrdan 7 oktyabrga o‘tar kechasi soat 04:00 da boshlanadi.
Messi Argentina terma jamoasi safida 2005 yildan buyon to‘p tepib kelmoqda. U milliy jamoa bilan 2022 yilgi Jahon chempionati, 2021 va 2024 yilgi Amerika kubogi, shuningdek, 2022 yilgi Finalissimada g‘olib chiqqan.
2026 yilgi Jahon chempionatida esa Messi Argentina bilan finalga qadar yetib bordi. Hal qiluvchi bahsda argentinaliklar Ispaniyaga 0:1 hisobida mag‘lub bo‘ldi.
O‘rtoqlik uchrashuvi
7 oktyabr, 04:00
Argentina — Benin
