«Atletiko Paranaense»da to‘p tepayotgan argentinalik himoyachi Lukas Eskivel Yevropaning bir qator klublari e’tiborini tortmoqda. Bu haqda insayder Ekrem Konur xabar berdi.
Jurnalist ma’lumotiga ko‘ra, 24 yoshli futbolchining o‘yinlarini Milanning «Inter» klubi, «Lasio», «Shtutgart», «Ayntraxt» va Angliya Premyer-ligasi vakillari kuzatib bormoqda.
Joriy mavsumda Eskivel 23 ta uchrashuvda ishtirok etib, 3 ta gol va 5 ta golli uzatma qayd etdi.
Argentinalik futbolchining «Atletiko Paranaense» bilan amaldagi shartnomasi 2029 yil iyun oyining oxirida yakunlanadi. Transfermarkt portali ekspertlari uning bozor qiymatini 8 million yevroga baholamoqda.
