«Lill»ning hujumkor yarim himoyachisi Etan Mbappe, «Real» yulduzi Kilian Mbappening ukasi, Turkiya chempionatining grand klublaridan biriga o‘tishi mumkin.
Insayder Ekrem Konur ijtimoiy tarmoqlar orqali xabar berishicha, futbolchining agentlari fransuz futbolchisini Istanbulning «Fenerbaxche» klubiga taklif qilgan. Mbappening «Lill» bilan amaldagi shartnomasi joriy mavsum oxirida yakunlanadi. 19 yoshli futbolchining transfer qiymati 12 million yevroni tashkil etadi.
Joriy Fransiya chempionati mavsumida Mbappe «Lill» safida 5 ta uchrashuvda maydonga tushdi va 1 ta gol urdi.
