«Liverpul» bosh murabbiyi Andoni Iraola jamoaning joriy mavsumdagi asosiy maqsadlari va sovrinlar uchun kurashish imkoniyatlari haqida fikr bildirdi.
Angliya Premyer-ligasining dastlabki besh turidan so‘ng «qizillar» 9 ochko jamg‘arib, turnir jadvalida oltinchi o‘rinni egallab turibdi.
Ispaniyalik mutaxassisning ta’kidlashicha, «Liverpul» mavsum boshida ochkolar soni yoki turnir jadvalidagi muayyan o‘rin bo‘yicha aniq maqsad belgilamagan. Jamoa har bir uchrashuvda o‘z imkoniyatlarini to‘liq namoyon etib, imkon qadar yuqori natijaga erishishni ko‘zlamoqda.
«Biz ochkolar soni yoki turnir jadvalidagi o‘rin borasida o‘z oldimizga aniq maqsad qo‘ymaganmiz.
Vazifamiz — mavsumni imkon qadar yuqori o‘rinda yakunlash va bor salohiyatimizni namoyish etish.
Agar futbolchilarimizning rivojlanishi uchun zarur tizim va qulay sharoit yarata olsak, sovrinlar uchun kurashish imkoniyatiga ega bo‘lamiz», — deya Iraolaning so‘zlarini keltiradi Anfield Sector.
Eslatib o‘tamiz, Andoni Iraola 2026/27 yilgi mavsum boshlanishi oldidan «Liverpul» bosh murabbiyi etib tayinlangan edi.
Ispaniyalik mutaxassis ushbu lavozimda niderlandiyalik Arne Slotning o‘rnini egallagan.
