Sobiq og‘ir vazn toifasidagi jahon chempioni Entoni Joshua (30-4, 27 KO) va WBC versiyasi bo‘yicha sobiq chempion Tayson Fyuri (36-2-1, 25 KO) o‘rtasidagi jang mahalliy vaqt bilan tungi soat 1:00 da (Toshkent vaqti bilan 5:00 da) boshlanishi kutilmoqda.
Jang Kardiffdagi «Prinsipaliti» arenasida bo‘lib o‘tadi. Ma’lum qilinishicha, arena tungi soat 03:30 gacha ochiq bo‘ladi.
Jangning bunday vaqtda boshlanishi AQSHdagi praym-taymga mos keladi. Turki Al ash-SHayx va Dana Uayt dastlab aynan Amerika auditoriyasi uchun qulay vaqtni mo‘ljallashgan.
Joshua va Fyuri o‘rtasidagi jang 11 dekabr kuni bo‘lib o‘tadi. Bahsda WBA Super chempionlik kamari o‘rtaga qo‘yiladi. Ushbu kamar og‘ir vazn toifasida WBC, WBA va IBF versiyalari bo‘yicha sobiq jahon chempioni Aleksandr Usik o‘z kamarlaridan voz kechganidan so‘ng bo‘sh qolgan.
Fyuri so‘nggi jangida Mariush Vaxni mag‘lub etgan. 46 yoshli polyak jangning sakkizinchi raundiga chiqishdan bosh tortgan.
Joshua esa so‘nggi jangida albaniyalik bokschi Kristian Prengani mag‘lub etgan. Prenga birinchi raundda Joshuani ikki marta nokdaunga uchratgan, biroq britaniyalik bokschi jangni davom ettirib, ikkinchi raundda raqibini nokautga uchratgan.
