Angliya polisiyasi «Liverpul» va «Manchester Siti» o‘rtasidagi uchrashuv oldidan xavfsizlik choralarini kuchaytirdi. Bunga mezbon jamoa muxlislarining mehmonlar avtobusiga hujum qilishi mumkinligi haqidagi xavotirlar sabab bo‘ldi.
Ikki jamoa o‘rtasidagi bahs 11 oktyabr, yakshanba kuni «Enfild» stadionida bo‘lib o‘tadi.
The Sun nashrining xabar berishicha, huquq-tartibot organlari yuqori shaylik holatiga keltirilgan.
Mahalliy hokimiyat vakillari 2018 yildagi voqea takrorlanishidan xavotirda. O‘shanda «Liverpul» muxlislari «Manchester Siti» avtobusiga g‘isht va shishalar uloqtirgan edi.
Angliya Premyer-ligasining beshta turidan so‘ng «Manchester Siti» 15 ochko bilan turnir jadvalida peshqadamlik qilmoqda.
«Liverpul» esa to‘qqiz ochko jamg‘argan holda oltinchi o‘rinni egallab turibdi.
«Liverpul» — «Manchester Siti» uchrashuvi 11 oktyabr kuni O‘zbekiston vaqti bilan soat 20:30 da boshlanadi.
