Madridning "Real" klubi Londonning "Arsenal" jamoasi yarim himoyachisi Mikel Merinoni o‘z safiga qo‘shib olishga qiziqish bildirmoqda.
Bu haqda Fichajes nashri xabar berdi.
Manba ma’lumotlariga ko‘ra, madridliklar 30 yoshli futbolchining o‘yinlarini kuzatib bormoqda. Biroq ayni paytda uning transferi yuzasidan hech qanday muzokara olib borilmayapti.
Taxminlarga ko‘ra, "Arsenal" joriy mavsumda kam o‘yin amaliyotiga ega bo‘layotgan Merino uchun 30–40 million yevro atrofidagi takliflarni ko‘rib chiqishga tayyor.
Ispaniyalik yarim himoyachi ushbu mavsumda barcha musobaqalar doirasida yettita uchrashuvda maydonga tushib, bitta gol urgan.
Biroq Merino Angliya Premyer-ligasida jami 81 daqiqa harakat qilgan, xolos.
30 yoshli futbolchining "Arsenal" bilan amaldagi shartnomasi 2028 yilgacha mo‘ljallangan.
