Madridning "Real" klubi bosh murabbiyi Joze Mourinyo milliy terma jamoalar o‘yinlari munosabati bilan yuzaga kelgan tanaffusni qanday o‘tkazgani va futbolchilarning jamoaga qaytish jarayoni haqida gapirdi.
"Men uch kunga oilamni ko‘rish uchun ketdim, shundan so‘ng ishga qaytdim.
Maydonda ko‘p vaqt o‘tkazmagan bo‘lsak-da, juda katta hajmda ish olib bordik.
Futbolchilar terma jamoalardan turli kunlarda qaytib kelmoqda. Ayrimlari uzoq parvozlardan keyin yetib kelgan bo‘lsa, boshqalari deyarli uxlamagan.
Bu murakkab vaziyat, ammo biz ish jarayonini yaxshi tashkil etdik.
Jarohatlangan futbolchilarning yo‘qligi ko‘p narsa o‘zgarganini va biz ko‘p ishlarni to‘g‘ri bajarayotganimizni ko‘rsatmoqda", — deya Mourinyoning so‘zlarini keltiradi AS nashri.
"Real" navbatdagi uchrashuvini 10 oktyabr kuni "Vilyarreal"ga qarshi o‘tkazadi.
Bahs O‘zbekiston vaqti bilan 11 oktyabr kuni soat 00:00 da boshlanadi.
