Jiddiy jarohat har qanday futbolchi uchun og‘ir sinovga aylanishi mumkin. Ayniqsa, doimiy mashg‘ulotlar, uchrashuvlar va o‘z oldiga qo‘ygan maqsadlari sari intilishga o‘rgangan o‘yinchilar uchun bunday vaziyat oson kechmaydi.

Biroq Xavi Simons bu holatga boshqacha yondashishga qaror qildi. U futboldan majburiy tanaffusni sportdan tashqari sohada shaxsiy rivojlanish uchun imkoniyatga aylantirmoqchi.

derbyderbyderby.it nashrining xabar berishicha, niderlandiyalik yarim himoyachi ushbu vaqtdan oliy ma’lumot olish maqsadida foydalanishga qaror qilgan.

Gap Garvard universiteti haqida ketmoqda. Londonning «Tottenxem» klubi futbolchisi aynan shu oliy ta’lim muassasasiga murojaat qilgan.

Xavi Simons futbolchilik faoliyati yakunlanganidan keyin ham biror faoliyat bilan shug‘ullanishi kerakligini tushungan holda, o‘z kelajagiga jiddiy yondashmoqda.