Taniqli insayder Fabrisio Romano Myunxenning «Bavariya» klubi fransiyalik qanot hujumchisi Maykl Oliseni Madridning «Real» jamoasiga o‘tishi haqidagi mish-mishlar fonida uning kelajagiga oid ma’lumotlarni oshkor qildi.
Romanoning ijtimoiy tarmoqlarda xabar berishicha, «Qirollik klubi» rahbariyati 24 yoshli futbolchi Myunxenda qolishi va Ispaniya poytaxtiga ko‘chib o‘tmasligiga ishonmoqda.
O‘z navbatida, «Bavariya» rahbarlari hujum chizig‘i yetakchilaridan biri bilan yangi shartnoma imzolash uchun katta moliyaviy xarajatlarga tayyor.
Myunxenliklar Olisega juda yuqori maosh va yirik bonuslar taklif qilishni rejalashtirmoqda.
Shu bilan birga, muzokaralarning hozirgi bosqichida Olise va uning vakillari uchun asosiy shart yangi kelishuvga futbolchini sotib olish uchun belgilangan tovon puli miqdori haqidagi bandni kiritish bo‘lib qolmoqda.
