Madridning «Real» klubi Ispaniya chempionatining 8-turi doirasida «Vilyarreal»ga qarshi o‘tgan uchrashuvda (1:0) braziliyalik vinger Vinisius Juniorning o‘zini tutishidan xavotirda. Ikkinchi bo‘limda yulduz futbolchi qizil kartochka oldi.
The Touchline nashri xabar berishicha, «qirollik klubi»da futbolchining maydondan chetlatilgani jiddiy tashvish uyg‘otgan. «Qaymoqranglilar» Vinisius his-tuyg‘ularini jilovlashni o‘rgandi, deb hisoblayotgan edi. Biroq uning so‘nggi marta o‘zini tuta olmagani futbolchi eski odatlariga qaytayotgan bo‘lishi mumkinligi borasida xavotirlarni yuzaga keltirdi.
Uydagi g‘alabadan keyin Joze Mourinyu shogirdlari Ispaniya La Ligasi turnir jadvalida uchinchi o‘rinni egallab turibdi.
