Italiyaning «Milan» klubi fransuz yarim himoyachisi Adriyen Rabyo «Sassuolo»ga qarshi uchrashuvda qayd etilgan durangni ikki ochko yo‘qotish deb hisoblamoqda. U o‘yindan keyingi fikrlari bilan o‘rtoqlashdi.
«Biz yaxshi o‘yin ko‘rsatdik, ammo gol o‘tkazib yuborishimizdan oldin ham Mayk bir necha marta jamoamizni qutqargan edi. Standart vaziyatdan keyin gol o‘tkazib yuborish mumkin emas. Buni tushuntirish qiyin, biz o‘tirib, hammasini tahlil qilishimiz kerak. O‘yin yaxshi o‘tdi, lekin bundan ham yaxshiroq harakat qilishimiz mumkin edi. «Sassuolo» kuchli jamoa, ularga qarshi o‘ynash har doim qiyin. Yakunda ikki ochko yo‘qotdik», — deya Rabyoning so‘zlarini keltiradi pianetamilan.it.
Eslatib o‘tamiz, Adriyen Rabyo 2025 yildan buyon «Milan» safida to‘p surmoqda.
