“Barselona” himoyachisi Pau Kubarsi jamoadoshi Lamin Yamalning 2026 yilgi “Oltin to‘p” mukofotiga da’vogarligi haqida o‘z fikrlarini bildirdi.
— Laminning “Oltin to‘p”ni olishga loyiq ekanini aytishi sizni hayratga soladimi?
— Lamin dunyoning eng yaxshi futbolchisi ekanini hamma biladi. Hatto buni uning o‘zi aytsa ham, barcha buni biladi. Albatta, u “Oltin to‘p”ni qo‘lga kiritishga loyiq. Jahon chempionatidagi o‘yinim va o‘tkazgan mavsumimni hisobga olsak, men ham ushbu mukofotga da’vogar bo‘lishim mumkin edi. Ammo men ko‘proq soyada qolyapman, Lamin esa ommaviy axborot vositalarining katta e’tibori ostida, — deya Kubarsining so‘zlarini AS nashri keltirdi.
Joriy mavsumda Lamin Yamal “Barselona” safida barcha musobaqalarda sakkizta uchrashuvda maydonga tushib, sakkizta gol urdi va oltita golli uzatmani amalga oshirdi.
