Yevropa Chempionlar ligasining 2-turidan o‘rin olgan «Galatasaroy» va «Barselona» o‘rtasidagi uchrashuv Turkiya futbolida chipta narxi bo‘yicha rekord o‘rnatdi. Bu haqda Sporx nashri xabar berdi.
Ma’lum qilinishicha, Istanbuldagi «Rams Park» stadionida o‘tadigan bahs uchun eng qimmat chiptalar narxi 75 ming turk lirasiga (18 million so‘mdan oshiq) yetgan. Shunga qaramay, sotuvga chiqarilgan barcha chiptalar xarid qilingan.
Turkiya nashriga ko‘ra, «Galatasaroy» rahbariyati ushbu uchrashuv kuni chipta savdosi va klubning rasmiy do‘konlaridagi sotuvlar hisobidan taxminan 250 million lira (60,5 millard so‘m atrofida) tushum olishni kutmoqda.
Eslatib o‘tamiz, «Galatasaroy» — «Barselona» uchrashuvi 13 oktyabr kuni Istanbulda bo‘lib o‘tadi.
