"Inter Mayami" hujumchisi Luis Suares klubdagi jamoadoshi Lionel Messining Argentina terma jamoasidagi faoliyatini yakunlagani haqida fikr bildirdi.
Urugvaylik futbolchi Messi uchun milliy jamoa bilan xayrlashish oson bo‘lmaganini, biroq argentinalik yulduz o‘z faoliyatidan mamnun va erishgan yutuqlaridan faxrlanishini ta’kidladi.
"Terma jamoani tark etish Messi uchun qanchalik qayg‘uli bo‘lganini hamma ko‘rdi. Biroq u bor kuchini sarflaganini anglab, qalbida xotirjamlik va faxr tuyg‘usini ham his qildi.
U milliy jamoa uchun qo‘lidan kelgan barcha ishni qilganidan juda faxrlanadi.
Men esa uning yonida bo‘lishim va shunday ajoyib lahzalarni u bilan birga baham ko‘rishimdan xursandman", — dedi Suares.
Eslatib o‘tamiz, Lionel Messi yaqinda Argentina terma jamoasi safidagi xayrlashuv uchrashuvini o‘tkazdi.
Lionel Skaloni shogirdlari Beninga qarshi o‘rtoqlik bahsida 3:0 hisobida yirik g‘alabaga erishdi. Messi ushbu uchrashuvda 90 daqiqa to‘liq harakat qilib, bir gol va ikkita golli uzatma muallifi bo‘ldi.
Lionel Messi Argentina terma jamoasi bilan 2022 yilgi jahon chempionatida g‘olib chiqqan. Shuningdek, u ikki marta Amerika kubogini qo‘lga kiritgan va Finalissima sovriniga ham ega chiqqan.
