«Manchester Siti» bosh murabbiyi Enso Mareska jamoasining yangi mavsumdagi ishtirokini baholab, ketma-ket g‘alabalarga qaramasdan, futbolchilar o‘yinida hali yaxshilanishi lozim bo‘lgan jihatlar ko‘pligini ta’kidladi.

Italiyalik mutaxassisning fikricha, jamoa nafaqat hujumda, balki himoyada ham o‘z o‘yinini yanada takomillashtirishi zarur.

«Biz, albatta, ko‘plab jihatlarni yaxshilashimiz kerak. Bu ham himoyadagi, ham hujumdagi harakatlarimizga taalluqli. Hali ishlashimiz lozim bo‘lgan masalalar yetarlicha.

Biz ketma-ket yetti yoki sakkizta o‘yinda g‘alaba qozondik. Biroq har bir uchrashuv turlicha kechdi», — deya Mareskaning so‘zlarini keltiradi City Xtra.

Ma’lumot uchun, «Manchester Siti» yangi mavsumda barcha musobaqalar doirasida 9 ta uchrashuv o‘tkazib, ularning 8 tasida g‘alaba qozondi va faqat bir marta mag‘lubiyatga uchradi.

Enso Mareska shogirdlari navbatdagi uchrashuvini 14 oktyabr kuni UEFA Chempionlar ligasi umumiy bosqichining 2-turi doirasida Fransiyaning «PSJ» klubiga qarshi o‘tkazadi.

«Manchester Siti» o‘z maydonida qabul qiladigan ushbu bahs Toshkent vaqti bilan 15 oktyabrga o‘tar kechasi soat 00:00 da boshlanadi.