Londonning «Arsenal» klubi UYEFA Chempionlar ligasi umumiy bosqichida Fransiyaning «Lill» jamoasini o‘z maydonida 3:0 hisobida mag‘lub etdi.
Uchrashuvdagi barcha gollar ikkinchi bo‘limda kiritildi. Mezbonlar safida Yurriyen Timber, Eberechi Eze va Bukayo Saka raqib darvozasini ishg‘ol qildi.
Angliyalik vinger Bukayo Saka gol urish bilan birga, samarali uzatmani ham amalga oshirib, jamoasining yirik g‘alabasiga munosib hissa qo‘shdi.
Ushbu natijadan so‘ng «Arsenal» Chempionlar ligasidagi ochkolari sonini 6 taga yetkazdi va umumiy bosqich turnir jadvalida 4-o‘rinni egallab turibdi. Londonliklar musobaqaning dastlabki ikki uchrashuvida ham g‘alaba qozonishga muvaffaq bo‘ldi.
«Kanonirlar» Chempionlar ligasidagi navbatdagi o‘yinini 21 oktyabr kuni Germaniyaning «Bavariya» klubiga qarshi o‘tkazadi.
«Lill» esa musobaqada ketma-ket ikkinchi mag‘lubiyatini qabul qilib oldi va hozircha ochko jamg‘ara olmadi. Fransiya jamoasi 21 oktyabr kuni o‘z maydonida Turkiyaning «Galatasaroy» klubini qabul qiladi.
Yevropa chempionlar ligasi. Umumiy bosqich. 2-tur.
14 oktyabr, 00:00. «Emireyts» (London)
«Arsenal» — «Lill» — 3:0
Gollar: Timber, 64 (1:0), Eze, 67 (2:0), Saka, 71 (3:0).
«Arsenal» tarkibi: Rayya, Gabriel Magalyayns, Konsa, Lyuis-Skelli, Timber (Uayt, 78), Gimarayns, Rays, Merino (Edegor, 65), Eze (Douman, 85), Madueke (Saka, 65), Dyokeresh (Xavers, 65).
«Lill» tarkibi: Berke Ozer, Ngoy, Aleksandru, Perro (Verdonk, 78), Goffi, Bentaleb (Kyergor, 72), Andre, Mukau (Sahraui, 72), Xaraldsson, Bakva (Diaun, 82), Ueda (Jiru, 78).
Sariq kartochkalar: Merino (29), Xavers (90) — Goffi (81).
