Portugaliyaning "Benfika" klubi markaziy hujumchisi Vangelis Pavlidis Yevropa transfer bozorida katta qiziqishga sabab bo‘lmoqda. Bu haqda jurnalist Ekrem Konur ijtimoiy tarmoqlar orqali xabar berdi.
27 yoshli to‘purar uchun kurashda Kataloniyaning "Barselona", Turinning "Yuventus", "Milan", "Tottenxem", "Aston Villa", "Fulxem" va "Roma" klublari raqobatlashadi.
Futbolchining bozor qiymati 35 million yevroga baholanmoqda. Uning "Benfika" bilan amaldagi shartnomasi 2029 yilning iyun oyi oxiriga qadar mo‘ljallangan.
Pavlidis Portugaliya chempionatining joriy mavsumida 7 ta uchrashuvda maydonga tushdi. Gresiyalik hujumchi ushbu o‘yinlarda 8 ta gol urib, 2 ta golli uzatmani amalga oshirdi.
