Portugaliyalik yulduz hujumchi Krishtianu Ronalduning opasi Elma Aveyru futbolchining milliy terma jamoa bosh murabbiyi Jorje Jezush bilan yuzaga kelgan kelishmovchilikdan so‘ng Portugaliya terma jamoasiga qaytishi ehtimoli haqida fikr bildirdi.
Aveyruning ta’kidlashicha, ayni paytda tomonlar o‘rtasidagi vaziyat murakkabligicha qolmoqda va ularning yarashishi oson bo‘lmaydi.
"Ha deyishdan ko‘ra, yo‘q deyishga ko‘proq asos bor. Hozir vaziyat boshi berk ko‘chaga kirib qolgan. Keyin nima bo‘lishini kuzatishimiz kerak.
Menimcha, bu holat har ikki tomon uchun ham og‘riqli kechmoqda.
Krishtianu va Jezushning yarashishi mumkinmi? Bu juda qiyin masala. Senga xiyonat qilishgan bo‘lsa, ortga qaytish oson emas", — deya Aveyruning so‘zlarini keltiradi SIC Notícias.
Eslatib o‘tamiz, 41 yoshli Krishtianu Ronaldu Norvegiya terma jamoasiga qarshi uchrashuvda maydonga tushmaganidan so‘ng Portugaliya milliy jamoasi qarorgohini tark etgan edi.
